17 ივნისს, წმინდა საყდართან საქართველოს საგანგებო და სრულუფლებიანმა ელჩმა, დავით მექვაბიშვილმა რწმუნებათა სიგელი გადასცა რომის პაპ ლეონ XIV-ს. ოფიციალური ცერემონიის დასრულების შემდეგ გაიმართა ელჩის შეხვედრა რომის პაპთან. შეხვედრაზე საუბარი შეეხო საქართველოსა და ვატიკანს შორის არსებულ თანამშრომ
🇬🇪🇻🇦30 მაისს, საქართველოს ახლადდანიშნულმა ელჩმა ვატიკანში, ბატონმა დავით მექვაბიშვილმა, რწმუნებათა სიგელების ასლები გადასცა წმინდა საყდრის სახელმწიფო მდივნის მოადგილეს ზოგად საკითხებში, მთავარეპისკოპოს ედგარ პენია პარას. 📜 სიგელების გადაცემის შემდეგ გაიმართა გაცნობითი ხასიათის შეხვედრა, რომლის ფარგლებში მხარეებმა მიმოიხილეს საქართველოსა და წმინდა საყდარს შორის არსებული ურთიერთობები და მათი შემდგომი გაღრმავების პერსპექტივები.
საქართველოს პრეზიდენტმა, მიხეილ ყაველაშვილმა რომის პაპთან, ლეონ XIV-სთან შეხვედრა გამართა. პრეზიდენტმა კიდევ ერთხელ მიულოცა მის უწმინდესობას კათოლიკური ეკლესიის წინამძღვრად არჩევა და განაცხადა, რომ მისი პონტიფიკატის დასაწყისი მთელი მსოფლიოსთვის მომავლის იმედის, სულიერი განახლებისა და ერთიანობის სიმბოლოა.
შეხვედრას ესწრებოდა წმინდა საყდართან საქართველოს საქმეთა დროებითი რწმუნებული, სოფო ქარცივაძე, რომელმაც ქართველი ხალხისა და საქართველოს კათოლიკოს-პატრიარქის, მისი უწმინდესობის ილია მეორის სახელით ლეონ XIV-ეს რომის კათოლიკური ეკლესიის წინამძღვრად არჩევა მიულოცა და წარმატებული პონტიფიკატი უსურვა.
22 იანვარს, პაპ ფრანცისკეს მიერ გამოცხადებული საიუბილეო წლის ფარგლებში, საერთაშორისო ასოციაციის „carità politica”-ს ორგანიზებით, გაიმართა კონფერენცია სახელწოდებით - „აღმოსავლეთის სულიერება“.
🇬🇪 2025 წლის 10 იანვარს, გაიმართა მალტის სუვერენული სამხედრო ორდენის დიდი მაგისტრის, ფრა ჯონ დანლაპის ტრადიციული, საახალწლო შეხვედრა ორდენთან აკრედიტებული დიპლომატიური მისიის ხელმძღვანელებთან.
2025 წლის 9 იანვარს, პაპ ფრანცისკეს ტრადიციული, საახალწლო შეხვედრა გაიმართა წმინდა საყდართან აკრედიტებულ დიპლომატიურ კორპუსთან.
2024 წლის 14 ნოემბერს, წმინდა საყდართან საქართველოს საელჩოს ორგანიზებით, რომის ისტორიული ცენტრის ერთ-ერთ ყველაზე პრესტიჟულ კინოთეატრში ,,Cinema Farnese’’, ქართველი რეჟისორის, ბექა სიხარულიძის ფილმის „სიცოცხლიდან სიცოცხლემდე“ ჩვენება გაიმართა.
· 25 სექტემბერს, წმინდა დიდმოწამე ქეთევან დედოფლის დაბადებიდან 450 და მოწამეობრივი აღსასრულიდან 400 წლის საიუბილეო თარიღის აღსანიშნავად, ვატიკანში საქართველოსა და პორტუგალიის საელჩოების ერთობლივი ძალისხმევით გაიმართა ღონისძიება, რომელიც მიეძღვნა საქართველოს ისტორიაში ერთერთ ყველაზე გამორჩეულ წმინდანს, ქეთევან წამებულს, მისი კვალისა და მოწამეობრივი აღსასრულის წარმოჩენასა და გაცნობას, ასევე პორტუგალიელი მისიონერების წვლილს ქეთევან დედოფლის ცხოვრების ბოლო წლებისა და მარტვილობის აღწერისა და მისი წმინდა ნაწილების გადარჩენის საქმეში.
2024 წლის 6 ივნისს, საქართველოს დამოუკიდებლობის დღესთან დაკავშირებით, აღორძინების ხანის სასახლეში ,,პალაცო დელა კანჩელერია’’ , ყველასთვის საყვარელი ქართველი კომპოზიტორის, გია ყანჩელის მუსიკის კონცერტი გაიმართა.
21 მაისს, დანტე ალიგიერის საზოგადოების სათავო ოფისში, ფლორენციის სასახლეში, წმინდა საყდართან საქართველოს საელჩოს ორგანიზებით სულხან-საბა ორბელიანის წიგნის - ‘’მოგზაურობა ევროპაში’’ პრეზენტაცია გაიმართა. წიგნი იტალიურ ენაზე ქართველოლოგმა, ენათმეცნიერმა მანანა ტოფაძე-გაუმანმა თარგმნა. მანანა ტოფაძე-გაუმანი 2009 წლიდან უძღვება თანამედროვე ქართული ენის კურსს ბერნის უნივერსიტეტში და ძველი ქართული ენის კურსს ფრიბურგის უნივერსიტეტში.
‘’Buon Compleanno Otar!” 2 თებერვალს, ოთარ იოსელიანის დაბადების დღეს, რომის კინოს მოყვარულთა ცენტრში, Casa del Cinema-ში კინორეჟისორის მეგობრები, კოლეგები და თაყვანისმცემლები შეიკრიბნენ, რათა პატივი მიეგოთ ლეგენდარული ხელოვანის, ოთარ იოსელიანის ხსოვნისადმი, რომელიც 90 წლის გახდებოდა. 🎬🌟
