კონფერენცია - "აღმოსავლეთის სულიერება"
22 იანვარს, პაპ ფრანცისკეს მიერ გამოცხადებული საიუბილეო წლის ფარგლებში, საერთაშორისო ასოციაციის „carità politica”-ს ორგანიზებით, გაიმართა კონფერენცია სახელწოდებით - „აღმოსავლეთის სულიერება“.
კონფერენციაზე სიტყვით გამოვიდა საქართველოს საქმეთა დროებითი რწმუნებული წმინდა საყდართან სოფო ქარცივაძე, რომელმაც ისაუბრა საქართველოში ქრისტიანობის 2000 წლიან ისტორიასა და ქართული მართლმადიდებლური ეკლესიის როლზე ქართული სულიერების და იდენტობის ჩამოყალიბებაში, ასევე ქართული ლიტერატურის, საეკლესიო მუსიკისა და ტრადიციების შესახებ.გამომსვლელებს შორის იყვნენ: აღმოსავლეთის ეკლესიათა დიკასტერის პრეფექტი, კარდინალი კლაუდიო გუჯეროტი, ლიტვის ელჩი წმინდა საყდართან სიგიტა მასკლაუსკაიტე და „carita politica”-ს დამფუძნებელი, პროფესორი ალფრედო ლუჩიანი.კონფერენციას ესწრებოდნენ ვატიკანში აკრედიტებული დიპლომატიური კორპუსის წარმომადგენლები და სხვა მიწვეული სტუმრები.