საქართველოს დამოუკიდებლობის დღესთან დაკავშირებით, გია ყანჩელის მუსიკის კონცერტი გაიმართა
2024 წლის 6 ივნისს, საქართველოს დამოუკიდებლობის დღესთან დაკავშირებით, აღორძინების ხანის სასახლეში ,,პალაცო დელა კანჩელერია’’ , ყველასთვის საყვარელი ქართველი კომპოზიტორის, გია ყანჩელის მუსიკის კონცერტი გაიმართა.ღონისძიებას ესწრებოდნენ წმინდა საყდრის საგარეო საქმეთამინისტრის მოადგილე მონსინიორ მიროსლავ ვახოვსკი, სახელმწიფო სამდივნოს, პონტიფიკალური უნივერსიტეტების, ვატიკანში აკრედიტებული დიპლომატიური კორპუსის, მალტის სუვერენული სამხედრო ორდენის და ქართული დიასპორის წარმომადგენლები.
სტუმრებს მისასალმებელი სიტყვით მიმართა ვატიკანში საქართველოს საქმეთა დროებითმა რწმუნებულმა სოფო ქარცივაძემ.კონცერტზე ცნობილი იტალიელი მუსიკოსების, პიანისტ ალესანდრო სტელასა და აკორდეონისტ პიეტრო როფის მიერ შესრულებული იქნა გია ყანჩელის 12 მინიატურა კინოსა და თეატრისათვის. მინიატურებმა, ყველასათავის საყვარელი ფილმებიდან და სპეკტაკლებიდან, დამსწრე საზოგადოების დიდი მოწონება დაიმსახურა. ღონისძიების დასასრულს, სტუმრებმა ქართული კერძები და ღვინო დააგემოვნეს.