პაპი ლეონ XIV წმიდა საყდრთან აკრედიტებული დიპლომატიური მისიების ხელმძღვანელებს შეხვდა
16 მაისს, რომის პაპი ლეონ XIV წმიდა საყდრთან აკრედიტებული დიპლომატიური მისიების ხელმძღვანელებს შეხვდა.
შეხვედრას ესწრებოდა წმინდა საყდართან საქართველოს საქმეთა დროებითი რწმუნებული, სოფო ქარცივაძე, რომელმაც ქართველი ხალხისა და საქართველოს კათოლიკოს-პატრიარქის, მისი უწმინდესობის ილია მეორის სახელით ლეონ XIV-ეს რომის კათოლიკური ეკლესიის წინამძღვრად არჩევა მიულოცა და წარმატებული პონტიფიკატი უსურვა: „საქართველო სიყვარულით გიდგათ გვერდში, ლოცულობს თქვენთვის და თქვენი უმაღლესი მისიისთვის. გისურვებთ, რომ თქვენი პონტიფიკატი იყოს იმედის, ერთიანობის და მშვიდობის ნიშანი მთელს მსოფლიოში!“
