საქართველოს ტექნიკური უნივერიტეტის დელეგაციის შეხვედრა ‘’დანტე ალიგიერის საზოგადოების’’ წარმომადგენლებთან

5 მაისს ‘’დანტე ალიგიერის საზოგადოების’’ სათავო ოფისში, Palazzo Firenze-ს პრიმატიჩოს დარბაზში, საქართველოს ტექნიკური უნივერსიტეტის რექტორმა ბატონმა დავით გურგენიძემ დანტე ალიგიერის საზოგადოების პრეზიდენტს ანდრეა რიკარდის და გენერალურ მდივანს პროფ. ალესანდრო მაზის სტუ-ს საპატიო დოქტორის წოდებები მიანიჭა საქართველოში იტალიური ენისა და კულტურის გავრცელების მხარდაჭერისთვის.

 

ღონისძიებაზე სიტყვით გამოვიდა, ასევე, საქართველოს ელჩი წმინდა საყდართან, ქეთევან ბაგრატიონ მუხრანბატონი, რომელიც ‘’დანტე ალიგიერის საზოგადოების’’ ქართული კომიტეტის ერთ-ერთი დამფუძნებელიც გახლავთ.